RSS订阅 加入收藏  设为首页
威尼斯国际网站
当前位置:首页 > 威尼斯国际网站

威尼斯国际网站:崇明童年记忆丨茧团银子斋田头

时间:2018-3-1 17:54:17  作者:  来源:  浏览:21  评论:0
内容摘要: 话到崇明元宵节个吃,上子年纪个人十个里八个话茧团银子。革是用米粉做成蚕茧、银饼个样子,属于岛浪厢正月半个传统美食。  农历正月十三四里,乡下人城里人都开始做茧团银子,拿糯米粉挽勒面盆或者小缸里,加糖、热水拌、搓,直到粉团变勒韧笃笃又勿答手。  崇明个村姑村妇,做茧团银子都是老门...

  话到崇明元宵节个吃,上子年纪个人十个里八个话茧团银子。革是用米粉做成蚕茧、银饼个样子,属于岛浪厢正月半个传统美食。
  农历正月十三四里,乡下人城里人都开始做茧团银子,拿糯米粉挽勒面盆或者小缸里,加糖、热水拌、搓,直到粉团变勒韧笃笃又勿答手。

  崇明个村姑村妇,做茧团银子都是老门槛,揪一小个粉团勒手里,一歇歇变成子两头大中间细个茧团,勿多一歇,做子长煞一排。接下来做银子,拿粉团搓成烧饼一样个扁圆形,用酒杯底朝上面揿一记,出现一个圆圈,就成银子特。

  还要做稻箩、棉花萝朵、杜米股头,以及鸡鸭众生。稻箩做起来还算便当,搓成宝塔式,底里围圆大点,顶浪小点。棉花萝朵也勿难,样子搓出来后,勒勒上面开四条缝,因为一个萝朵开四囊棉花。做杜米股头繁一点,关键是要看得出一粒粒杜米子,有点吃功夫。
  做好子田里长个,再做众生,主要是家畜家禽像鸡啦鸭啦猪啦。小囡也蛮高兴凑闹猛,我也做过个,记得姆妈是做一样像一样,我做子一只鸡一只鸭,自己看看也笑出来,除了嘴巴尖勒扁个区别外,别个看勿出啥勿同。姆妈话,鸭个颈骨要长一点,身体要矮一点,鸡个脚要高一点……我作姿作够重新做,但不过仍然勿像样,鸭颈骨太长太细,头宕到脚跟头要断下来特,鸡个脚一只长一只短,两只眼睛乌子一只高低。
  茧团银子一道做好后,搬到烀糕垫浪,再端到镬子里蒸。

  小囡晓得有吃个特,候勒灶边头,歇歇问熟勒呒熟,馋唾水直咽,熟子也总抢来先尝尝。我上中学个辰光正是三年困难时期,茧团圆子熟了也话尝尝,饿虎囵吞吃子一只又一只,结果吃脱九只!
  烀熟个茧团银子等凉勒筛子里,明天要派大用场嘞——祭拜土地神,上下百沙俗话叫斋田头,就是勒田头祭拜土地神。
  《崇明县志》里就是这样记载的:农历正月十五为元宵,下午斋田头。土地生养万物,长五谷养育百姓,传说中个土地神,能保佑本乡本土五谷丰登,六畜兴旺。
  崇明向来是农村,吃个着个都要靠地里长出来,种田人希望得到土地神个庇护,种下去保证有得收,还要好收成。故所以对土地神交关敬畏,叫伊土地老爷、田公公,年年正月半勿管好天落雨,总要到田里斋田头,拿茧团银子拨田公公吃,保佑花利长勒好点。
  正月半下半天,家家出动斋田头,竹篮里拎着茧团银子,去到自家田里,在田边摆一张矮凳,矮凳浪放一盆茧团银子,请土地公公享用。


相关评论

本类更新

本类推荐

本类排行

本站所有站内信息仅供娱乐参考,不作任何商业用途,不以营利为目的,专注分享快乐,欢迎收藏本站!
所有信息均来自:百度一下 (威尼斯官网)
皖ICP备11010161号-1